―Chrokóxakohanra chrókuankíehyara ti sin tjako ley, kixin jehe sin tóxrínhi̱n sin chrókꞌuinkáya sin ika kjíjin la tjinkaon sin kixin kaín chojni tsjikosáyehe ti jehe sin ti ó tsoxéta sin ndasin la ko tjeyá sin ti silla a̱ntsí tjetoan chrókꞌuejótja̱xi̱n sin nkaxehen ni̱nko la ko tjeyá sin kixin jína chrókꞌuejó sin ti sátsji sin ijnko kia, la ko kja̱xin takitsjehe sin ndo̱e ti chojnichjin ikꞌán. Ndá ti ó tjixin chꞌiyehe sin ti chojni, la náxrjón nixje̱he̱ sin Díos. Kjánchó Díos a̱ntsí sinchekjasóte ti jehe sin kixin xi̱kaha chꞌia sin.