Popular Bible Verses from Hebreos 1

Share

Ko jeꞌe xan tjaago xan thi jié juachaxiin ndo, ko jeꞌe xan xrajeꞌo xan inchin Ndo Dio, ko kain thi jii, xrajii ixin jañaa rinao xan. Ko are juexin binthatjañaa ná xan kain thi jianꞌa juinthoꞌo ná, jeꞌe xan sabigeꞌe xan ngain rajianxiin Ndo Dio nthi̱ꞌa̱ ngajni.

Are usee Ndo Dio nichjee ni xrachrjeꞌan ná, ko binchegunda ni bagayee juajnee ndo ixin jejee nichjee ndo ni xrachrjeꞌan ná, ko tsjé nthiꞌa bincheꞌe ndo jiꞌi. Aro jai, ngain nchaꞌon teꞌi, Ndo Dio binchegunda Xeꞌen ixin nichjaa ná jaꞌan ná. Ko Ndo Dio binchekininxin Xeꞌen ndo kain thi jii ko jeꞌe xan binchechjian xan kain thi jii.

Ixin kain ángel jeꞌo naa espíritu ncheꞌe xree Ndo Dio, ko ruaꞌan ndo ixin tsjengijna kain chujni, ni rukjan inaa chujni narua.

Ko kai ndachro ndo: Jaꞌa, jaan ndua Dio, ko are nakuexinxion beꞌe kain, Suixin binchechjian nunthe, ko binchechjian ngajni kunixin raa. Nunthe ko ngajni ndatsjexin, aro jaꞌa sariꞌi kainxin nchaꞌon. Ko nunthe ko ngajni ndatsunthaxii inchin luntho.