Popular Bible Verses from Gálatas 3

Share

Jesucristo kjuenga ꞌna ixin isetsingataꞌa ná thi jianꞌa dajon ley, ko jeꞌe betsingataꞌa thi jianꞌa ixin jaꞌan ná ixin ndachro ngain Xruen Ndo Dio: “Kain chujni terianda na̱ ngain naa nthaa detsingataꞌa thi jianꞌa.”

Ko jai ijeꞌa icha renthe chujni judío, o griego, o chujni dikuchji ngain naa xi najni o naꞌi, o nchrii o xii. Jai kainxin ná xrajeꞌo renthe ná ngathexin kon Jesucristo.

Ko ja̱ uchujnii Jesucristo ra, jiꞌi ruchro ixin jaꞌa ra kai chujnii Abraham ko sayéꞌe ra kainxin thi ndachro Ndo Dio.

Ko jañaa kuꞌen ixin Ndo Dio nchao sinchenchaon chujni jeꞌa judío ixin Jesucristo, inchin binchenchaon ndo Abraham. Ko ixin chunthia ná ngain Ndo Dio ko ixin jeꞌe ndo ndachro ndo, nchao sayée ná Espíritu Santo.

Ko jañaa jian dikon ni ixin xruꞌin chujni sitjañeꞌe jie̱ ngathexin kon Ndo Dio ixin jincheꞌe na̱ thi thetuꞌan ley ixin ngain Xruen ndo ndachro: “Chujni ndachro Ndo Dio ixin jian na̱, chujni mee sechon na̱ kainxin nchaꞌon ixin chunthia na̱ ngain Ndo Dio.”