Popular Bible Verses from 2 Tesalonicenses 2

Share

Dithuaxinꞌa ra ixin sinthayaꞌa ra kexeꞌo chujni ixin saꞌo tsununxin chujni dithikaunꞌa ko tsetukaꞌo juajnee Ndo Dio, ko kai tsununxin thi xii anto jianꞌa ko ningakuꞌen Ndo Dio, ko chujni jiꞌi ujikininxin sitjaan ngathe xruꞌi.

Aro jaꞌan ná rugunda tsexruxian ná Ndo Dio kainxin nchaꞌon ixin jaꞌa ra anto thjuaꞌa ra Nchaa ná ixin are nakuexinxon beꞌe kain, jeꞌe ndo ukuinchiaꞌa ra ndo ixin kjan ra inaa chujni narua ixin Espíritu Santo, thi binthakjan ra naa jian chujni ko bithikaon ra thi jian juajna.

Ko xii jiꞌi ningakuꞌen Ndo Dio ko kain ni dithikaon ndo, ko runingakuꞌen kain thi jikininxin ndo ko tusayexin ndo. Ko xii jiꞌi sixiꞌin xa ningue Ndo Dio ko rundachro ixin ningue xa ko rundachro xa ixin dio xa.

Ko Nchaa ná Jesucristo, ko Ndudaa ná Dio, thi thjuaa ná ko binthathuan ná thi chrjuin tunuꞌe ansean ná kain nchaꞌon, kai thjengijna ná ixin ruchuꞌen ná tsii ndo, mee sinchesuji ansean ra ixin runichja ra jian ko jian sincheꞌe ra kain xra.

Mexinxin Ndo Dio tanchrjanda na̱ ixin thi jianꞌa sincheyeꞌe na̱ ko jeꞌe na̱ sithikaon na̱ thi jianꞌa

Ko thi xii jianꞌa mee tsii ixin nchiijin sinchexin thi anto tsjé thi naꞌa dikunxin ni ixin sincheyeꞌe xa chujni, ko juachaxiin nchiijin sinchexingamenxin chujni ko anto tsjé sincheꞌe xa thi naꞌa dikunxin ni, ixin sincheyeꞌe xa chujni. Ko kain thi jianꞌa xraxaon xa, sincheyexin xa kain chujni ixin sitjaan na̱ ngathe xruꞌi, ixin bithikaonꞌa na̱ ko bayeꞌa na̱ thi jian juajna thi runchekjan na̱ inaa chujni narua.

Thi jianꞌa jixraxaon xii yaa ujithexiꞌin ngataꞌa nunthe aro xratsiꞌa ixin thi jikayakuen xrajii nthiꞌi.