Popular Bible Verses from 2 Corintios 9

Share

Ndo Dio nchao ruchjaa ra ko sinthathuꞌan ra kain thi jian ko xruꞌin sitjanꞌa ra, ko ruchaꞌa ra ixin sincheꞌe ra thi jian.

Nanaa ra dajon ra inchin uxraxaon ra ngathe ansean ra, ko ncheꞌa ra inchin chujni dechiin are dajon o dajon ra ixin danchiaꞌa ra na̱. Ixin Ndo Dio thjueꞌe Ndo chujni chee are dajon.

Xraxaon ra jiꞌi: thi tsjéꞌa thenga, kai tsjéꞌa datsiin, ko thi thenga tsjé, kai tsjé datsiin.

Jeꞌe ndo dajon ndo tsee dinga, ko kai chjaa ná ndo thi junthe ná. Ko sinchetsjé ndo tsee tsenga ra, ko jañaa nchao tsjengijna ra icha chujni. Ko jaꞌa ra tsjé ruchunda ra, ko jañaa nchao tsjé sajon ra kai. Thi tumi batse ra ko chjana ni ra ixin tsjiꞌan ná ngain ni choo ná, ko ixin tumi jiꞌi jeꞌe na̱ anto tsexruxinxin na̱ Ndo Dio.

¡Thexruxian Ndo Dio ixin thi chjaa ná ndo, ko chroꞌa rundachro ná kexreen tsjengexin ná ndo ꞌna!