Popular Bible Verses from Rev 1

Share

Anutu girii ka kigineng girii guk adi ananing iikning ki waraga' wa ning tora', nagasa' na tim sini' a mandang sini' ning ikitik. Beng sini' girii ka wa adi timinggi' ira abugu' a kami yara'ganang ita' a inga' undu' girii ka warisa' tubobu abo'.

Na ka' fikifiki ningsa' ikitik. Beng sini' na tim kuma' kumoguk de ka na ka' ko ningsa' itik i nabe'. Kadapmang ka aming wari wadigi'sa' kungkumak ning wa naga kuma' upapusaneguk wara' nagasa' na aming wari kungkumak a tubobu mamarak wara'ning u katatorarik.

Ka aming ka midi ka Anutu wari napa' ka inga' kagadofi waraga' midi totangka tugu' ka i yotik i bema aming fam ga' indangikiaminga wara'guk ka aming ka midi ka u nakanting adi midi ka u yaranga didimengsa' tinting wa karengsa', Anutu wari yotangkayabinga mesisiringa sa' tanga ikanting. Beng sini' napa' ka u kagadofi ga' torik wara'ning kama wa kabi'sini' kadofota' wara' dabik sidi midi i ninak sa' tinting.

Ka na u kanga iguk mutu tanga adining kayong ganang u mangfanga aming kungkumong da'ning defaguk. Ka adi kafong kareng wari suronapma ning nanggu', gu mutu mo' totang. Na timinggi' sini' yaguk a na mandang inga' sini' undu' ko ningsa' irokga' nagasa' aderik.

Aming aming sidi u kani', adi kunim kabinga mungkong ganang kuma' afonga tara'. Aming dabiksa' dani' wari kuma'sa' kasasu'nantam. Aming ka adi kamaganang afuinga kadagang taramara uuk tiging adindu' kuma'sa' kanting. Beng guk sini' adi tubobu afo'ganang wa aming aming kabi'mo' adi u kanga adisining kadagang wara'ning kagaya bimbem waraga' sura mutu girii tanga mak kara yarani'ga'.