Popular Bible Verses from Ap 16

Share

Ka Pol ya wari ning anigumu', gu girii Jisas ga' naktangka te'. Ning tanga wa gi' giri irotang, ga a gu kurene dabiksa'.

Ka Pol ya Sailas ya adi kalabus iyung ganang u mera kabaksi' mamareng guk mo' nakumu'. Mokngang adi Anutuga' ibang tonga mesisiringa tanga siring fatogumu'. Ka aming fam ka kalabus tiging adindu' siring fatogumu' udi kuma' mera fanaking. Ka adi siring a ibang u tonga anganga tiim bining sini' ganang kining girii wari kadofinga kalabus yak u mimeng sini' bema fafareinga yak wara'ning faba kiginesi wari anasa' kadaging. Abanga aming ka kalabus iyung bane fonga dasiapma tofiapking wara'sining sen undu' anasa' fadara manga fiangaging.

Ning tanga marara Pol ya u fugang gi' inagira amanga ning yanggu', o aming fama' sidi bibiri' napma yotangkanap tidemu'. Indining da' tanga na kadapmang ka Anutu wari nanuk titining u kabotik.

Ka kalabus katatora ning aming adindu' dama kuma' deku'. Ka adi kining u naknga seganga marara anga kuruma yapyangagu' wa faba udi anasa' kuma' kadara fadeingaging. U yapma kalabus aming kuma' ba kadofinga masasu'ning ning tonga base tanga adining aming girii wari ugumak titi waraga' sura mutu girii tanga bainat u wengbema ananing fugu urotik ning tonga tugu'. Ka Pol wari u kanga anisefi tonga ku bang ning katinganggu', ai gu ganing fuka sige mo' urotang. Indi dabiksa' inggingsa' giri fakem ning katinganggu'.