Popular Bible Verses from 1Korin 14

Share

Kemin, Juda imi lo kaali boko-lomdu: Unang ili talaba tam God ami unang tunum kii tiin saanin disa. Kiili tal minlo tem uniwa yo, kalsu. Kemin, Kristen unang tunum ibi tala-tala-ke lotu kemip kaali, unang kibi weng yaapkan kaa baka-bamdip tuluk-tulukmin disa; duluma bom-biliwa yo! God ami unang tunum alik abip ma ma bom-bilip ili kanumin kukup kaata-kup kanun-umbip.

Ibi ti kano titil-daka-bamdipla kusnum imi aket kaata ti suunkup kukaayin-biliwa kayi! Ibi God ami Sinik Tambal ami titil kusnum kusnum kukaayila-yaaba kaami aket uyo kufoyuk o, kala-somla ko. Katale, Sinik Tambal ami titil kipni kuyila talalu kuluulokomip kaa, God ami weng tem uyo ku-fatap-daa bakamin kaami aket kaata dukum-kup keyilula yak fuku-bom-biliwa yo!

tunum God ami weng tem baka-mokoma ami weng uta taba-lomdu unang tunum imi God ami lak duu-yilin iyo, yam-titil-diilula, God ami kukup uyo kukuyilula unang tunum iyo kanolum o, kaliple, uluum tabin diim kawu titil so kukaayokomu.

Tunum ma ata abip kusnum ma imi weng ali utamsa disa, ali naknak weng bakayokoma kaayo, ami weng uyo almi aket tem-kup dap-titil-diilokomu. Lale, tunum ma ami God ami weng bakayokoma, ami weng kuuta taba-lomdu ap-tunum kusal Kristen unang tunum kiimi yam-titil-diilokomu o.

Kipkal kanola tunum ayo weng del kusnum ma utamsip disa kaayo, bokoyokoma namti, ibi ami dong dakaalin so, ali ipni dong dakaayin so, iyo ke-mokomip disa. Kemin, ibi ami weng uyo kaal kebip ale, ali ipni weng uyo ma kaal-keba kawu, iltipni diim kawu dong dakaayokomu. Ipni aket fukunin dukum kaali, ti God ami Sinik ami titil ata kuluulum o, kalbip ema? Kanubip namti, iltipni dok nolin dok nolin titil kuluu-lomdip kap-tunum kusal Kristen unang tunum imi yam-titil-saanin kuuta, titil-foko kuluu-bomdiwa kayi!