Popular Bible Verses from Romanos 12

Share

Ko íncheꞌanta xranchi ncheꞌe chujni chúxinꞌa ndo Dio, ni ste nunte xasintajni. Cháña tájonnta juachaxin ixi ndo Dio tsindoxin ndo asáanta ko ti xraxaonnta. Ko jaña tsonoꞌanta ngeꞌe tjaun ndo Dio sincheꞌenta, meꞌe ti jian ko ti chaxro.

Méxin, kichuuna, ndo Dio tikonóaꞌanta ndo, méxin, janꞌan tinóatáana ixi nchijíi asáanta tjéenta ndo Dio jai, ko tájonnta asáanta ko nchijíi jaꞌanta sincheꞌenta xra̱ ixi ó tjúá asáanta ko jaña tikinixin tsajonnta juasaya ngajin ndo.

Takeꞌénta juaxruxin ixi ti xrastechonꞌennta ti jian tsi̱i̱, ko cháꞌanta maski tangi tsonꞌannta, ko tintueꞌanta nichjeꞌenta ndo Dio.

Tintueꞌanta ixi tsjacha ti ñaꞌi ngajinnta; cháña ncheꞌenta ti jian ixi jaña ti jian tsjacha.

Tjueꞌe kichuunta ixi titikaonnta Ncháina Jesús ko chóndeꞌe kichuunta juasaya.

Ko nchijíi asáanta xrotjueꞌe kichuunta. Tintuꞌenta kain ngeꞌe ñaꞌi ko xraxaonnta kain ngeꞌe jian.

Tjéenta ixi nchijíi asáanta jian tsintekuꞌunta kain na̱.

Kichuuna, jaꞌonta nchéñaꞌinta ijie̱ ngajin inaa chujni, cháña tintuꞌenta ixi ndo Dio jeꞌe ndo sinchéña ndo ijie̱ ngajin na̱, xranchi ndachro xroon chijnie ndo: “Janꞌan tikinixinna sintaña ijie̱ ko janꞌan xrotjáꞌa na̱ ti tikinixinꞌen na̱.”

Jian ncheꞌenta ixra̱ ko tosaꞌinta, ko ncheꞌenta ixra̱ ngajin Ncháina ixi nchijíi asáanta.

Juasie ndo Dio, kuajon ndo ixra̱ ntaꞌa ngajin ndo. Méxin, ntatjunta xroxraxaonꞌanta ixi jaꞌanta ícha tjinteenta. Naꞌi. Xraxaonnta jian ixi juachaxin tjáanta ndo Dio ixi chuntianta ndo.

Ko siá ndakoꞌa sintaꞌanta xrojan chujni, tjengeꞌanta. Cháña ncheꞌenta ti jian ixi jaña tsikon kain na̱.

Juaxruxin tinteekuꞌunta sen kichuunta ko nchejiéꞌa asáanta ko chaxro tjentonta sen xroꞌan ngeꞌe chónda, ko xraxaonꞌanta ixi ícha noꞌanta.

Kaxon ndachro xroon: “Siá ni ningakonꞌannta kuenꞌen na̱ jinta, chje̱ꞌénta na̱ sine na̱, ko siá kuenꞌen na̱ inda, chje̱ꞌénta na̱ tsiꞌi na̱. Jaña tsosueꞌe na̱ ixi jaꞌanta jian juincheꞌenta ngajin na̱.”

*Tjancheꞌenta ndo Dio sinchenchaon ndo ni ndakuaꞌi ntaꞌanta ko tjancheꞌanta ndo Dio ixi xrojan ngeꞌe ndakoꞌa tsonꞌen na̱. Cháꞌanta ngajin sen ste juaxruxin, ko siá xrojan ngisen yaa juachjaon ko stetsjanga sen, tsjangakuꞌunta sen.

Tingijnanta sen titikaon Ncháina siá xroꞌan ngeꞌe chónda sen. Tayeꞌénta sen ti̱i̱ ndointa ko tájonnta juachaxin tsituꞌe sen ndointa.

*Jaña cuerpoi̱na, kueya parte chónda. Ko ngujngu meꞌe jeꞌa naxrajeꞌo ixra̱ ncheꞌe. Jaña kaxon jai̱na, maski kueyana, ikjanna naakua cuerpoe ndo Cristo. Jaña naakua xroxraxaonna ixi ó ikjanna kainna naakua cuerpoe ndo.