Popular Bible Verses from Lin 50

Share

Oduu ti atpa ye otpo mo-on ile puli-i, odoke Lapan ipe iy erti huyen, ile pe mahkele eri we sa ndramat sulo-on handrimat pwi.

Odoke Yosep ipe ile tasu ihpa, “Otnoh kolwii. Yu we kunsini ndruhun Lapan pwi.

Otnoh hangka-an kolwii. Yu we modo kise taduu pe su nedu’ oduu.” Pe iy iduwe sohou huyene ile ta su, ile pe tawene tasu kah hala huyen.

eri pe iy ipe odu atpa nolwo-on kile tadam kihpa, ‘Tintom su mo-o' su kah. Akarndrundrumwi su pe opo muden horut ndre su hahnan ile tadam ti kolwii.’ Ile pe mehkele, eri odu atpa ou kolum kah ke-eu odo mo-on ndre odu lewen marai ta Lapan tan taman atndrahnan tih.” Nolou tasu ihir hun Yosep ti pe iy ikarndrum su pe ideng.

Inum ti pe Yosep ipe ile tan tinton su ihpah, “Yu mukehe kawe kumwet. Odoke Lapan we kindra-amelyen oduu pwi. Iy we madan kise taduu pe we kikuni oduu ada-au odo lok kerti, pe kiduwe oduu ada-au atla ndre lok Iy ipu poromisim Abraham, Aisak pe Yakop tih.”

Inum ti pe Yosep ihndremte su Israel ipe su hahnan poromis handrai. Iy ipe ihpah, “Lapan we kikuni oduu ada-au ndre ndrokene odo lok ketih, pe atla ndre lok Iy ipe ile ta su papo’ tidu tih. Atamumoi kile todo kihpa ndre uh, oduu atalang ada-u, eri we etsori ndruwi ndrodan ku-us oduu.”

Yosep krismas tadan sangat-pe-sungoh, pe imet imin ndre Isip. Su ndrokta hetilen iy pe heduwe marasin ile mundren, odo kile pe kindrepuso sowin pwi tih. Inum pe heduwe iy ile lon kes pe iyin ndre Isip.