Popular Bible Verses from दानिएल 2

Share

अऊ कहिस: “परमेसर के नांव के महिमा सदाकाल तक होवत रहय; काबरकि बुद्धि अऊ सक्ति ओकर अय। ओह समय अऊ मौसम ला बदलथे; ओह राजामन ला गद्दी ले हटाथे अऊ आने मन ला गद्दी म बईठाथे। ओह बुद्धिमान ला बुद्धि अऊ समझदार ला गियान देथे। ओह गूढ़ अऊ लुकाय बातमन ला परगट करथे; ओह जानथे कि अंधियार म का रखे हवय, अऊ अंजोर ह ओकर संग रहिथे।

दानिएल ह जबाब दीस, “राजा ह जऊन रहस्य के बारे म पुछत हे, ओकर बारे म कोनो घलो बुद्धिमान मनखे, जोतिसी, जादूगर या अगम के बात बतानेवाला राजा ला कुछू नइं बता सकंय, पर स्वरग म एक परमेसर हवय, जऊन ह रहस्यमन ला परगट करथे। ओहीच ह राजा नबूकदनेसर ला देखाय हवय कि अवइया दिन म का होवइया हे। जब तेंह अपन बिस्तर म लेटे रहे, तब तेंह जऊन सपना अऊ दरसन देखे, ओमन ये अंय

“ओ राजामन के समय म, स्वरग के परमेसर ह एक अइसने राज ला स्थापित करही, जऊन ह कभू नास नइं होही, अऊ न ही येकर ऊपर कोनो आने ह सासन करही। ये राज ह ओ जम्मो राजमन ला चूर-चूर कर दीही अऊ ओमन के अन्त कर दीही, पर येह खुद सदाकाल तक बने रहिही।