Ngoba ube ulithemba lami, Oh THIXO Wobukhosi,
ithemba lami kusukela ebutsheni bami.

Woba lidwala lami lokuphephela,
lapho engingaya khona loba nini;
tshono umlayo wokuba ngisindiswe,
ngoba ulidwala lami lenqaba yami.

Kodwa mina ngizahlala ngithembile;
ngizakudumisa kakhulu.

Kuwe THIXO, sengithole isiphephelo;
mangingayangiswa lanini.

Umlomo wami ugcwele udumo lwakho,
umemezela inkazimulo yakho ilanga lonke.

Umlomo wami uzafakaza ngokulunga kwakho,
langensindiso yakho ilanga lonke,
lokuba ngingasazi isilinganiso sayo.

Popular Bible Verses from AmaHubo 71

Free Reading Plans and Devotionals related to AmaHubo 71