Lowo ofihla iziphambeko zakhe kayikuphumelela,
kodwa lowo ozivumayo azitshiye ufumana umusa.

Lowo ozithembayo yena uyisiwula,
kodwa lowo ohamba ngenhlakanipho uvikelekile.

Umuntu omubi uyabaleka loba engaxotshaniswa muntu,
kodwa abalungileyo balesibindi njengesilwane.

Ubusisiwe umuntu ohlala emesaba UTHIXO,
kodwa lowo oyenza lukhuni inhliziyo yakhe uwela enkathazweni.

Lowo opha abayanga kayikuswela lutho,
kodwa ovala amehlo ingathi kababoni uzuza iziqalekiso ezinengi.

Lowo okhuza umuntu uzacina esethandeka
kulalowo ololimi olukhohlisayo.

Popular Bible Verses from Izaga 28

Free Reading Plans and Devotionals related to Izaga 28