Popular Bible Verses from Abahluleli 6

Share

Ingilosi KATHIXO isibonakele kuGidiyoni yathi kuye, “UTHIXO ulawe, butho elilamandla.”

UTHIXO waphendukela kuye wathi, “Hamba ngamandla olawo uhlenge u-Israyeli ezandleni zamaMidiyani. Kanti kangikuthumi na?”

UTHIXO waphendula wathi, “Ngizakuba lawe, njalo uzawacakazela phansi wonke amaMidiyani, ungatshiyi lamunye wabo.”

UGidiyoni waphendula wathi, “Kodwa nkosi, nxa UTHIXO elathi, pho kungani konke lokhu kwenzakele kithi? Zingaphi izimanga zakhe zonke obaba abasitshela ngazo besithi, ‘UTHIXO kasikhuphanga eGibhithe na?’ Kodwa khathesi UTHIXO usesidelile wasinikela ezandleni zamaMidiyani.”

UGidiyoni wabuza wathi, “Kodwa nkosi yami, u-Israyeli ngingamhlenga kanjani na? Usendo lwakwethu koManase kalulamandla, njalo mina ngingomncinyane emulini yakwethu.”

Ingilosi KATHIXO yafika yahlala ngaphansi kwesihlahla som’Okhi e-Ofira esasingesikaJowashi um’Abhiyezeri lapho indodana yakhe uGidiyoni eyayibhula khona amabele esikhamelweni sewayini ukuze iwafihlele amaMidiyani.

Ngakho uGidiyoni wakhela UTHIXO i-alithari khonapho walibiza ngokuthi UTHIXO uyiKuthula. Kuze kube lamhla likhona e-Ofira lama-Abhiyezeri.

UGidiyoni waphendula wathi, “Nxa khathesi sengithole umusa emehlweni akho, nginika isibonakaliso sokuthi impela nguwe sibili okhuluma lami.

Kodwa UTHIXO wathi kuye, “Ukuthula! Ungesabi. Kawuyikufa.”

Abako-Israyeli benza okubi futhi emehlweni KATHIXO, wabanikela ezandleni zamaMidiyani iminyaka eyisikhombisa.