Popular Bible Verses from 1 ImiLando 16

Share

Dingani UTHIXO lamandla akhe, limdinge yena njalonjalo.

Bongani UTHIXO ngoba ulungile. Uthando lwakhe olungapheliyo lumi kokuphela.

Bongani UTHIXO, memezani ibizo lakhe, lizazise phakathi kwabantu izenzo zakhe.

Jabulani ebizweni lakhe elingcwele; kazithokoze inhliziyo zabo abamdingayo UTHIXO.

Khumbulani izenzo zakhe ezimangalisayo azenzayo, izimangaliso azenzayo, lezahlulelo azikhulumayo

Hlabelelani kuye, hlabelelani indumiso kuye; likhulume ngezenzo zakhe zonke ezimangalisayo.

Ngoba umkhulu UTHIXO, ufanele ukudunyiswa ngokuphindiweyo; kumele esatshwe ngaphezu kwabonkulunkulu bonke.

Mnikeni UTHIXO udumo olufanele ibizo lakhe. Lethani umnikelo libuye phambi kwakhe. Mkhonzeni UTHIXO enkazimulweni yobungcwele bakhe

Inkazimulo lobukhosi kuphambi Kwakhe Amandla lentokozo kusendaweni yakhe yokuhlala.

Hlabelani KUTHIXO lina, mhlaba wonke, limemezele insindiso yakhe insuku ngezinsuku.

Fakazani ngobukhosi bakhe ezizweni zonke, lemisebenzi yakhe emangalisayo phakathi kwabantu bonke.

“Lingabathinti abagcotshiweyo bami; lingahlukuluzi abaphrofethi bami.”

Ngoba bonke onkulunkulu bezizwe bayizithombe; kodwa UTHIXO wadala amazulu.

Uyakhumbula isivumelwano sakhe nini lanini, ilizwi lomlayo wakhe, okwezizukulwane ezizinkulungwane

Amazulu kawathokoze, lomhlaba ujabule, kabathi phakathi kwabezizwe, “UTHIXO uyabusa.”

Kabongwe UTHIXO, uNkulunkulu ka-Israyeli, kusukela endulo kuze kube nininini. Bonke abantu bathi: “Ameni. Kabongwe UTHIXO!”

Mnikeni UTHIXO, lina zizukulwane zezizwe. Mnikeni UTHIXO ubukhosi lamandla.