Popular Bible Verses from Titus 1

Share

Azayi pya ci ge ɓa kpe Shekwoyi ye, ama nha gye nya n ɓa zhin, ha ku kpe ge ɓata kpe wo ye lon. Ɓa wun-wun yi ya, to ɓai vi ɓom, n tna a pma dna n ɓe manayi zhin.

Oza n wo bugba gyi-gyi-yi wo gye anya vinya n gyi-gyi yi, ama oza n wo bugba tucegye n tna gaiciya, wo gye nyaho-nyahoi n tna bmiya yi nu, gama owo bugba cegye nya n bugba kala kpei nu zhin woi wo lonu, woi gye lo nu njesun.

Tile oɓa gaiciya ga kwa migni n kala yi, n na bai n ɓa ɓa mi ɓa wu azaje, ɓa wu aza n ɓa ta gwo oɓa ɓedan. Ɓa wu ɓa aba n ɓa bwi aba.

Tilas pasto wa ze oza nu n nata ciwo aɓenya n wo asesen, gama ɓa zhin Shekwoyi atnu-tnu zhinyi nu, ɓato zhin aɓekwo zhin yi, kwo a tna mi wanshi yi, to ɓa ze ajesin yin, agusun yin, kwo agyiwye shakpe; woyin. Ɓa ze azhiɓeyi goyi n ɓa puwa, ɓa ye enya n kwo bmiya ɓa ze aza awyega da, ɓai zhin ɓo n kunce, ɓai zhin aɓo manayi nubo to ge a tukwo-gnana kwoyin.

Aza n ha kni a kpe ɓa ye ntu n ɓa asese manayi ɓo, nyikwoza gmanyi da oɓa ɓi ɓai ye Dagayi, to ge a tukwo gnana-kwoyin, nɓata vi oɓa azakwoyi ɓedan.