Popular Bible Verses from Aromayi 12

Share

Fye to shan hali n na kunnu anyi nya yi n, ama fye ku ze aza woi-woi n naɓo nfye ɓa n zhin, nfye nubo zhinyi. Nlonu fye ɓa kpe nfye aɓo-mutu shiwo zokwo ɓa fu fye nubo.

Ntu cenu mi gyi fye wye fya gafye anayi n Shekwoyi akun, ɓa ze hadaya wye-wyei gyi-gyi-yi nya, odo pya n wo ɓa gwo. Nfya pa oɓo ɓo n wa zhin fye, deye duwyi lo wa nya fye?

Dagma n tu nyaɓo n Shekwoyi z hin gaho, zhin hakuri n wahalai, ha zhin aduwa ci-ci.

To fya ye ɓenukwoyi kwa gyi ebe tu nfye tukwon, ama fye zun ɓenukwoyi kni dna a ɓemanayi Izhin.

Fye ye n na ajei ngye aya-ɓi, fya ga aje mwamwa n bugba buibui.

To ye aza n gbeyin, yeɓa cewo. To ye enya n kwo to bmiyan, ye ɓemana ha zhin kwo.

To wu anya n zaho-zahoi. Bwa bugba buyi n na azai vinya ngye shi ho ɓa mi.

Emi anugundo ye-yeyi fyeto gba ɓe ta ga fyehin. Fa kwo ga Shekwoyi ntuge wo ku gna ge wo ɓa gba aza n kwo kunce. Fye to la owa dna n fye akun. (Wato fye to zun owa gnan).

Fye to wo bwato nfye tnu-tnu yin, ama fye zhin Dagayi tnu-tnu n bugba bui, bui.

Ngye Shekwoyi tnu-tnuyi mi ga zaho-zahoi nfye mi Shekwoyi pmagna: Fye zhin gaiciya n fyehin tukwo ɓo, fyei mwi shi Shekwoyi wa ga fye gaiciya-ga n sun.

To gba ɓenukwoyi ta n ɓenukwoyin. Zhin ɓeho-ɓehoyi cewo, aza kpe ge hoto zhin zakata nun.

Fye zhin tnu-tnu n dagma ngnisun. To zhin n gye ho zhin zadnagmayin. To lodna n na aza yakwo aban, ama gnalo n ha sharayi. To ha ci a ɓo n gye ho kpe ɓeho ye lon.

Gaho nuwunyi nya gyi mikun ya gun wo, n nuwan mikun wo-wo gawo nuwan wa sin. Ho ye anakna nu kpe wo n tukwo, wato vinyikwo ɓa wo wo n ɓo woku zhin ho nyi.

N oza zhin fye ɓenukwoyi ntuge fye zhin Kristi nya nu, to tu wo eknin, zhin adduwa Shekwoyi wa tuwo anabarka. Sa n na aza dagma ha dagma n ɓai, n ɓa wun bugba ha bma ɓa bugba wun.

Sanu Shekwoyi aɓi gyisan, bma ɓa zhin, zhin ha yi azhiɓei ɓa ɓe nyagyi nho puwa ko kwa nɓa ye agyewan aba n sukwoyi.

Shi agalo n mwa begye n fye nayi n lo nu Kristi nayi. Yi zhin aga nu owo nayi nya, zaho-zahoi n yi mi woi nu kwo ntuge yi n na tnu-tnuyi lo gbo-gbo.