Popular Bible Verses from YOHANNA ƁEWYEGYE 21

Share

Wa wunɓa awyenyi ya n na awyeba vinya, efi ta shan sun, kwo bugba wun, kwo ebwi cin, kwo nayi, san. Aɓeye vinya nla duya nyalonyalo.”

Oza nwo sase tu n esushinkpegye nyi wa gna, “Gyewye, mi zhin anya woi-woyi nu,” wa gnami nsai ge, “Ka aɓeye kpe, gama oɓo n mi gnaho nyi kwo zhin oɓo hin-hin nu n gaiciya yi.”

Ma wo begye yakwo, kwoi gmi n esu-shinkpegye kwoi gna, “Shi awye Shekwoyi puwa lo n kunsun n na azai nsayi, wa sase n kunsun nɓai ɓa zhin owo aza, E, Shekwoyi nwohin tukwo wa sase dna nɓa atasin.

Aku zo zhin, Eminu zhin A n Z yi, Kmisunyi n Kmazoyi, mi ɓa ga oza n nuwan mikun wowo a nuwan kpeba, nuwan wye-wyeyi nya, cauta.

Ozaho-zahoi n wa gyi nasara, wo ɓa bwa anyi gye vinya gado, ma ze wo Shekwoyi wa ze mi oɓi.

Ama aɓiɓi n ɓa fa mi viɓo ɓai jeze n na avun yi, n na azayi nɓa ta nu egben, n na cegye dayi, azawuyi, n na aɓenukwoyi-zhinyi, n na aza yi n ɓa daɓo n alijanu yi, n na shangbayi, n na a kataceyi vinya, oɓa abwiba nyi n anapi ena zundna n kwo gyi ena n sulfa yi. Efi bayi nu.

N navun magye, anyi woi woyi (n tna ala) n eshe woi-woyi, gama anyi nsaiye nya n duya.

Omi Yohanna, magye, Ezhi Gyi-gyi-yi, Urushelima woi-woyi kwoi gmi n Shekwoyi aba n eshe kwoi shin zhi ɓe, nya bmiya-bmiya yi, ngye mula anyikwo n wo mula pa aba.

Ezhiyi to n nyipyei ɓeyi pman kwo epyan, ɓa gakwo buzagnan, gama Shekwoyi n kugya mwa-mwai nu gakwo buzangna. Okwo buzangna ɓei ga abye buzangna n anyi, abegyi yi n anyi vinya ɓei ɓe nɓa mwa-mwayi n kwo.