Popular Bible Verses from YOHANNA ƁEWYEGYE 19

Share

Yi dagma ya nya agmada, ya gawo mwa-mwa, gama esa n lasi n na ɓa zhin buki kugya nya, owo mula nyikwo n la wohin zhin shiri.

Nwo eye yi kakpe n wo jekpe n buzhi-kwo nge, “Esu aje Esu, Dagayi a dagayi aje nya.”

Nnavun ma gye eshe n guya gni n dokwo buyi gni agni gni n ɓo, ayi oza n wo ɓei sase tu n dokwo yi nyi ge, “Gbenuyi n Gaiciya yi” Oza nwo ta aza nyi, woi sun okun.

Owo awye wu ngye ena go-goyi n na rawani yi kpe nwo tukwo n mwa, n wo yei katu n nyikunmi n zaho ta kpe kwo yelon sai owo. Wo n na ajei kpe n dafi n ami, ayiwo ge, “Shekwoyi Ɓeda.”

Wo n ebe yakwo gyi-gyi-yi shi nwo egbe wa zun abye kni n cei, wa gyi ebe tu nɓa tukwo n sinkna bwayi, wa dna anab nuwan-piba Shekwoyi ikoda minagyi nya.

A wan Nyawye-wyei n Anabi Katayi, n wo zhin aɓo wowoi esa n Nyawye wyei nukwoyi gni n cei nyi, aɓo a wo-woi nɓa dna aza kwoce n ɓa ɓei gwo Nyawye-wyei Nukwoyi zetu, n ɓa ga owo nya zhin-zhin mwa-mwa nyi, Oɓa ba Nyawye-wyeyi nukwoyi n wo anabi Katayi a sheɓa yafi n wye-wyeyi yi n ena zundna n kwo gyina n suffa yi nyi.