Popular Bible Verses from Afisusuyi 5

Share

Fye vi Shekwoyi aɓozhin n na aɓo vinya n fye ɓa zhin, shi oɓi ye-yeyi zhin wa shan owo dada nyi. Fye ku nu n ye-yei ga aje, fya shan Kristi nwa ye n fyei nyi, wa ga wohin n Shekwoyi akun ngye hadaya, wa ku fye alaifi ya nyi. Ce a da Shekwoyi, ntuge Kristi ye-ye nfve aba, kwo zhin ngye tulare sunda yi nu nwo aba.

Fye zhin peceiye shi fye zhin aɓo ntu ge anyipyei aɓodnai nu, fyeto ku ze aza ma-man, fye la ce, fye zhin apma n sai n fye n cei lo, ntu ɓemana zhin ɓo.

To sin eje n, ntuge aɓo nukwoyi lo n mwa n kwo ɓe n cei, ama fye nu-nu n Zafun Gyi-gyi-yi wa dna fye n zokwo. Fye ta aza n na ajeyi n Dagayi tukwo, fyei da zabura, fyei kwo anyi agyi-gyi-yi. Fyei kwo anyi ga Dagayi nfye abugbami. Fye zhin godiya ntu anya ɓo vinya ga Shekwoyi eyi Dada, dna n eyi Dagayi Yesu Kristi eye mi.

Fye to zhin ɓo n tna nubo zhin, ama fye zhin atna fya kpe enya n Dagayi ye fya zhin.

Efye aɓa, fye ye nfye anyikwo yi, shi Kristi ɓei ye ikklisiya yi, wa fi ntu n kwo ɓo nyi.

Gama koda yake n sapai efya bugba ɓei nu-nuyi n wyegmai, n saiye kwonu-nuvi lo n Dagayi buzangna yi, efya ɓe zhin kunce lo ɓa wu lonu.

Fye ga Kristi mwa-mwa, fyei gba fyehin tukwo n na aje aba.

Efye anyikwoza fye ga fyehin n fye aɓa akun, shi fye ga fyehin n Dagayi akun nyi.

Ngye shin ma cige, Tile oza ye n wo nyikwoyi ngye wohin tukwo nyikwoza ce tilas wa zhin atna wa ga owo oɓa mwa-mwa n mwa, woi vi wo ɓeda, woi ciwo, woi gawo mwamwa.

Shekwoyi ɓeda n la wu pei-pei nge zanugbayi nwo nyikwoyi ɓa zhin nayi gmanyi nu, sanu nkwa ci ncei ge, “Tilas zanugbai wa fa owo dada n owo ʼyai, sanu wa pa mula, n na bai wa nyima owo nyikwo, oɓa ngun aba ɓa ze gmanyi.”

Fye to dnabwa n anyi gmada nukwoyi n wyegmayin, ama fye gnakni ɓa, fya kpeɓa asiri ya.