Popular Bible Verses from Akorintiyi II 4

Share

Gama yi zhin ya hankali dna, n anya nu n nata gyeɓa wyem. Nya aza gye kwo ta mwa sam, ama nya aza ta gyem, okwonu mwasa so-sai har nyalo-nyalo.

Ntucenu yi ta bwa bugba bmayam. Ko shi kwo nyi eyi nayi bwa konya lo-lonu, ama eyi zafun ɓe-ɓe nu ci-ci. Wahala ɓiyi ye n yi sin kwo nyi kwa, kwo ta mwasa m. Amma kwo ɓaɓe yi mwa-mwa dnagmayi nyalo-nyalo nya, n du eyi wahala ye.

Yi sin wahala ci-ci ama kwo taviyi yam, nsahoi ya zhin shakka, ama eyi wyetu ta zo m. Anuwun yi lo n mwa, ama yi to tna nugundo lom, njesun nsahoyi, yi zhin ya bwa aci n mwa yi to fi ntu ce m.

Kwo shiko nyi yi arziki zafun nya ye yi lo, yi wu lo ngye ozun shakun mi nya nu kurum. Kwa wu ge iko lo n Shekwoyi aba nu, toge n yi aba m.

Ɓa ta ga gaiciya lom, ntuge oɓa ɓo nubozhin fi lo a wyegma. Shetam nu nafi ɓa ɓo. Wo ta ye ge ɓa gye buzangna n kwo ɓe oɓa ʼba nyi m. Buzangna n kwo kun n nabari manayi aba n ko wu Yesu Kristi latu nyi, n wo nu zhin Shekwoyi degbe nyi.

Shekwoyi n wa cige, “Buzangna ɓa knaya n wyegma aba nyi,” owo nu na zhin owo buzangna kwoi ɓe ya bugba, kwoi ɓe yi buzangna n Shekwoyi latu yekpe yi, nkwo nyi n Yesu awyeba nyi.