Popular Bible Verses from Yum̃aena 4

Share

Ana pe mrapa tap̃ena re si tai nap̃a ita tekilia tetol malena e poli, komin nap̃a Ntewa naga pe mla re nena kia tap̃ena pan ita e yomarava nini poli nap̃a naga kilia tamalia ita ea.”

A pogos nap̃a la amlen sanene p̃isi, yo nene nap̃a la apiora ke ea naga kululu, ana Ninuna Wa naga pitomi pulen la, ana kila la apano apisawal visena kiena ne Ntewa, nap̃a kiela sitomena lala m̃arera la e naga sane.

“Ana Ntewa na Mava, imimi na mepiun mesape ko ositom̃al ruru ke visena m̃arera la nap̃a la asum̃a apisa pan imimi, ana imimi mesitom mesape ko oiila imimi, kiom̃a yeririna na yum̃aena lala, vena kila imimi na mevisawal kiom̃a visena, nap̃a kiamimi sitomena lala ve yuyuwawa re, a nap̃a ve memarau re.

Naga na sa nap̃a Visena Wa naga pisayu naga, pisa pisape ‘Amiu li nakilaena yum̃a lala, amiu na akovenlua lawe laki tai, nap̃a nanagane naga pimi pe pupia kemrap̃e na mava rui na mon lika e yum̃a.’

Ana yerkawa la nene la amilan pap̃isi, komin nap̃a la apisu nap̃a Pita amio Yoane, ape yaru kari ga, lalua pe ape yerkawa re nenaga, a lalua pe akilia re m̃ena ga suri moki poli, ana lalua nene pe sinela kurkur re nena ga. Ana la apisu kilale m̃ena ga sa nap̃a sumo, lalua nene na amiyal loro amio Yesu silaga.

Ana e poglis nene, p̃egas nen li nalelagaena la nene, kiela malena pimi po pap̃isi, sane la sinela taaga ga, a kiela sitomena m̃ena ga taaga ga, kila na sane pe yar re tai nap̃a naga m̃areran sitom visave kiena suri lala la ape kiena ga, ana la asum̃a atam̃an kiela suri lala vena ve kiela pae ga.