Popular Bible Verses from Yum̃aena 20

Share

Ana e mrapa nene, a e p̃elaga tap̃ena m̃ena ga lala, nepian amiunia nesape popon ita teyum̃ae m̃arera teiila yaru lala nap̃a yepela malumu, apisu p̃ele narui, komin nap̃a monar tesitom̃al m̃ena ga visena kiena ne Sup̃e Yesu tai, nap̃a naga pisape ‘Visae ko otol kiom̃a nalaena tai, ana ko ologe wonia, ana visae ko ola nalaena tai vano, ana ko ologe wonia va ve keviu laa sane, ana navisa ruruena sike e ko.’ ”

Ana poga ga nene, komin nap̃a pe nepisu re kiau malena naga pe suri tai poli, pona tasneu, vena monar nesitom manenea, peraga. Ana nesitom ke suri taaga ga, vena nekilia nekiriri m̃aga vano-o netol luas nen kiau yum̃aena nap̃a Sup̃e Yesu mligan sike e lum̃au, nap̃a monar nevisawal Nalologena Wo na nalemamiena kiena ne Ntewa va e yo punu ga.

“Ana amiu li nasumonena lala, komin nap̃a Ninuna Wa pisir plan amiu sa nap̃a yeririna lala navisuarena sipsip lala na nalotena kiena ne Ntewa nene nap̃a naga pul lua e tana ne narina, ana amiu na monar avisuar ruru amiu, a amiu monar avisuar ruru la nene.

“Ana nanagane, pe su re si e lum̃au poli vena nevisuar amiu, nemligan amiu asike ga e limana ne Ntewa. A nemlen nesape yoko Lologena Wo na lemamiena kiena, naga sum̃a iila amiu, kila amiu asum̃alu m̃arera, a kila nap̃a amiu m̃ena ga, akilia awar navisa ruruena wo lala nap̃a Ntewa naga yokorena war sirau va kiena yeririna wa lala.