Popular Bible Verses from 2 Kawd renr thuq liq 6

Share

Maq yonr che chaw teq pa haq taq caz daq, ta pawnd daq. Awg lawn ghod ver, thed che cawd che ted ceng awr lehr, ma thed ma cawd che ted ceng haq khawd-ehg kheh te caz daq gha tuawg le. Awg ghiz awr lehr, naz tud che haq khawd-ehg kheh te awg chawd te daq gha tuawg le.

Ghig sa ve bon yehg nux awr lehr, sax ho sax nax teq pa haq khawd-ehg kheh te cawd daq gha tuawg le. Awg lawn ghod ver, a nig awr lehr teq chehd che Ghig sa ve bon yehg nux phehq che yaog. Ghig sa che kheh koz lar che, “Ngag i hehd awg khuhn chehd lehq, i hehd geh ngag te tod tug yaog. Ngag awr lehr i hehd ve Ghig sa te lehq, i hehd liz ngag ved chaw phehq tug yaog.

Kheh te lehq, i hehd awg khuhn tuhaz lehq i hehd haq phaz daq lar-oq,” lehz Jawd mawd Ghig sa koz che yaog. “Chaq chiz che ted ceng haq ta vad, Ma vad ver, ngag nig hehd haq haq yug ax tug yaog. Ngag awr lehr nig hehd ve awr pa te lehq, nig hehd liz ngag ved yad par yad mid teq pa te tug yaog,” lehz kand pax awg gha lia cawg che Jawd mawd Ghig sa koz che yaog.

Khreq awr lehr Sar tanr haq khawd-ehg kheh te cawd daq hawr daq gha tuawg le. Yonr che chaw awr lehr, maq yonr che chaw geh khawd-ehg kheh te ver, ni ma teq sir lehax tar gha tuawg le.