Popular Bible Verses from 2 Kọrentu 6

Share

Unu lẹ ndu ekwedu kẹ Chileke ta atụgbakwa bụru nanụ. Kẹle-a; ?bụ gụnu bẹ apfụbekoto yẹle eme ẹjo-ememe gude bụru nanụ? ?Dẹnu g'ìphóró yẹle ọchii e-shi dogba ẹhu?

Sụ-a; ?dẹnu g'eeshi wota eze-ụlo Chileke yẹe ụlo-nshi dogbabẹ? Ọ kwa anyi bụ eze-ụlo Chileke; mbụ Chileke ọphu nọ ndzụ. Lẹ Chileke pfukwaru iya l'onwiya sụ: “Mu e-buru eburu l'ime phẹ tsojeru phẹ eje ẹkameka, ẹphe eje. Mu abụru Chileke, doberu phẹ nụ; ẹphe abụru ndibe mu.”

Noo g'o gude Chileke pfukwaaphọ sụ: “Unu họfuta onwunu l'echilabọ phẹ bya anọdu iche. Unu te eyejekwa ẹka l'iphe, aasọ nsọ gẹ mu anatakwanụ unu. Ọo ya bụ gẹ mu abụru nna unu; unu abụru ụnwu mu unwoke mẹ ụnwu mu ụnwanyi.” Nokwa iphe, Nnajịuphu, bụ Ọkalibe-Kakọta-Ike eepfu.

Kéreshi yẹe Obutuswe ta ayịkwa chịa ìdzù agbarụ mgba mee iphe lanụ. Ọo ya bụ; ?bụhunu gụnu bẹ onye kweru kẹ Chileke yẹe onye ekwedu kẹ Chileke gba mgba?