Popular Bible Verses from 1 Pyịta 3

Share

Iphe, unu e-mejechia bụ g'unu gudeje obu unu g'ọ ha kwabẹje Kéreshi, bụ Nnajịuphu unu ùbvù; gude goshi iya l'ọo ya bụ Nnajịuphu unu. Unu kwagebejẹpho akwagebe tekenteke k'ọphu bụ l'ọ -dụru onye jịru unu k'iphe ono, unu ele ẹnya iya ono; unu eyeeru iya ọkpobe ọnu; goshi iya iphe, meru g'o gude unu nọdu ele ẹnya iphe ono, unu ele ẹnya iya ono. Unu meje nno g'obu ataa awajẹkwanu unu mini; k'ọphu bụkwanu o -nweru ndu l'epfuru unubẹ ndu kẹ Kéreshi ẹjo opfu; unu egude umere ọma ono, unu eme ono meru iphere kpua phẹ.

Noo kẹle Nnajịuphu, bụ Chileke bẹ anọdujeepho eleta ndu pfụberekoto ẹnya. Ọ nọdu angabẹjekwapho nchị nụma epfupfu, ẹphe epfu anụ iya. Obenu lẹ ndu ẹjo-iphe bẹ ọoghajeru azụ.”

Omemma unu ta agbakwarụ g'ọ bụru iphe, eme l'akpọ-ẹhu, bụ iya bụ aswịngashi ẹgbushi; waa egude ụnwu iphe, e meshiru lẹ mkpọla-ododo kwaa onwunu ngwa; yẹle eye ẹrengete uwe. G'ọ bụjechiaru g'unu e-me dozirwee ime ọkpoma unu g'ọ tọ bụru ẹka retọshihuru eretọshihu; g'ọ bụru omemma k'eme odoo yẹe eji obu oyi. Iphemiphe ono bẹ tụkokwaru bụkotaru iphe, aswa parụ ẹka l'ẹnya kẹ Chileke.

“L'iphe, bụ onye ọ dụ g'a sụ lẹ ndzụ iya e-tse ogologo; tẹme ọ dụkwa iya phọ g'a sụ lẹ mbọku-mbọku abụjeru iya k'ọma; g'onye ono te egudehẹkwa ire iya tụ ịkpoki; ọphu onye ọbu adzụjekwa ụka. G'onye ono gbakụtaru eme iphe-ẹji azụ watachia eme iphe, dụ ree. G'onye ono kukebeje ẹhu chọ iphe, bụ o -mee ya nchị-adụ-doo. Ọ -chọta iya g'ọ tọ tụwokwa iya ẹka.

Ẹka mu a-sụbe opfu ono ishi bụ; g'uche unu bụjekwaru nanụ. G'iphe-ẹhuka, byaru nwibe unu rwuje unu l'ẹhu g'o rwuru onye ọ byaru. Unu yejekwa nwibe unu obu. Noo kẹle unu bụ ndibe Chileke. Unu bụkwaru ndu obu-imemini. Unu wozejekwa onwunu alị l'ẹka nwibe unu nọ. Onye -meru unu ẹji; unu te egudejekwa eme ẹji pfụa ya ụgwo iya. Onye -phuru unu iphu; unu te ephulatajẹkwa. Ọ chikwaa iphe, unu e-mejechia bụ g'unu gọjechiaru ọnu-ọma nụ onye ọbu. L'iphe, Chileke kudoru unu oku iya bụkwa gẹ ya gọru ọnu-ọma nụ unu.

Sụ-a; ?dẹnukpoo onye sụru unu emekata mẹ ọ -nọdu ehe unu ihee eme iphe, pfụru nhamụnha?

G'onye ono gbakụtaru eme iphe-ẹji azụ watachia eme iphe, dụ ree. G'onye ono kukebeje ẹhu chọ iphe, bụ o -mee ya nchị-adụ-doo. Ọ -chọta iya g'ọ tọ tụwokwa iya ẹka.

L'ọ kakwa ree lẹ nemadzụ jeru iphe-ẹhuka; opfu l'oome iphe, dụ ree; m'ọ -bụkwaru l'ọ bụ iphe, dụ Chileke l'uche bụ onoya; eme lẹ nemadzụ anwụ ọnwu ẹjo-iphe, o meru.