Popular Bible Verses from Egvu-ọma 16

Share

I goshiwaru mu ụzo ndzụ. Anọno, ị nọ mu ntse l'emeje t'ẹhu-ụtso mu dzua oke. Anọdu, mu nọdu l'ẹka-ụtara ghu je l'e-me mu ẹhu-ụtso jeye lẹ gbururu.

Mu l'arịtaje lẹ Onye-Nwe-Ọha bẹ mu l'iya nọ ntekenteke. Eshi-ọwhu ọ nọ mu l'ẹka-ụtara, bẹ mu bụ enwubata enwubata.

Onye-Nwe-Ọha, ọo ghu bụ oke-iwhe mu ketaru, ọo ghu bụ mkpakọ lẹ n-whuko nkemu, mbụ l'ọo gụbedua bẹ iwhe mu l'e-megee bụru dụ l'ẹka.

Mu l'aja Onye-Nwe-Ọha ama, o noo l'ọo ya bẹ l'akpọ-zhiru mu ụzo iwhe mu l'eme. Ọobuje, o -rwua l'ẹnyashi, obu mu ezhilahaa mu iwhe.

Iwhe lile Onye-Nwe-Ọha gụru ọgu nụ mu dụkota ree, ọwhu bụ ezhi-okfu bụ l'ọ dụ ree ọkpobe adụdu mbụ oke, ọ hẹru mu.

Gbobuta mu gụbe Chileke, o noo lẹ mu gbabaru l'ime ghu tẹ mu zeeru ndzụ.