Popular Bible Verses from Mátiyu 24

Share

Tẹmenu, eshi-ọwhu ejo iwhe l'a-kwata paa ẹka apaa nteke ono bẹ oye obu nke igweligwe madzụ l'e-jihu dẹe. Ọle onye dụ ike taa nshi nọpyabe mu l'ẹka jeye l'ikpazụ bẹ Chileke l'a-dzọfutalekwaa.

Ozhi-ọma bẹ l'aa-rya aryarya ryadzuru iya mgboko l'owhu t'o rwua madzụ lile lẹ nchị, tẹ ndiwhe l'owhu nụ-dzuru ọkpobe-okfu ono, bụ lẹ Chileke l'eku whẹ tẹ whẹ bya tẹ ya bụru eze whẹ. Ọo ya bụ, e megee nteke ono, mgboko agvụ.

Unu l'a-nọkwa anụ akọ ọgu-egbe, l'aalwụ l'otẹnya mẹe ọwhu l'aalwụ l'ụkfu ntse, ọle t'obu be etekwa unu ete. Lẹ iwhe lile ono g'ọ ha mekotajekwa, ọle nteke mgboko l'a-gvụ teke erwukwaa.

Mba lanụ l'a-gbeshi je alwụshi mba ọdo ọgu. Alị-eze agbeshikwawho je alwụshi alị-eze ọdo ọgu. Ejo mkpẹgu l'a-bya. Alị-ọnma-jijiji l'a-nma l'ẹka dụ l'iche l'iche. Ọle iwhe lile ono bẹ tụkokwaru bụru obebe iwhe-ọtsulanu, nọ ọnodu nteke nka beberu melahaa nwanyị ime l'eme ẹhuka.

Igwe l'a-gvụkwa, alị agvụ, ọle okfu mu ta abyadụ l'e-rebuhu ire.

O noo l'igweligwe madzụ l'a-zarụ ẹwha mu bya. Onye ọwhu nọnu, ya asụ l'ọo ya bụ Kuráyisutu ọbu, whẹ egude nno duwhua ndu hakwa l'igweligwe.

“O noo nteke whẹ l'a-kpụru unu nụ ndu ishi, a kpaa unu ẹhu gbushia unu. Mba lile dụ lẹ mgboko-o l'e-kwobe nke l'ọo l'unu bụ ndu nke mụbe Jisọsu kpọo unu ashị. O nokwawho nteke ikpoto madzụ l'a-ha ekwekwe, whẹ kweru nke Chileke gbẹeru iya azụ. Whẹ l'a-gbarụ ibe whẹ ye kpọo ibe whẹ ashị. Igweligwe ndu l'a-nọ adzụshikaa ejire l'ọo Chileke bẹ whẹ l'ekfuchiru l'a-bya lẹ mgboko bya eduwhushia igweligwe madzụ.

Jisọsu yee ọnu sụ whẹ: “Ọlewho t'unu kwabẹkwaru onwunu ẹnya t'ọ bọ dụ onye l'e-duwhu unu.

Ọo ya bụ, tẹ unubẹdua l'onwunu kwakọbekwa, o noo lẹ Abụbu-Ndiwhe l'a-bya l'oge nteke unu l'ete ele ẹnya iya.

Ọo ya bụ, t'unu cheje nche nkele unu ta amadụ mbọku, Onye-Nwe-unu l'a-bya.

“Ọle ọ tọ dụdu onye marụ mbọku ọbu ọdua l'ọo oge awa iwhe ono l'e-mekota. Ọ tọ dụkwa m'ọo ndụ-ojozhi, bu l'igwe onye ọwhu marụ iya, Nwa Chileke ta ama iya. Ọlewho Chileke, bụ Nna nwẹkiya bẹ bụ onye marụ iya nụ.

Nkele ndu l'a-nọ adzụ ejire l'ọo whẹ bụ Kuráyisutu ọdua whẹ bụru ndu nkfuchiru Chileke l'a-dụ-gekwaa. Whẹ l'a-nọ emekaa eze iwhe-awhụrulenya, dụ-gee biribiri. Iwhe ono a-bụkota nggẹ whẹ duwhua ndiwhe, mbụkwa je akpaa lẹ ndu ono Chileke họtaru mẹ whẹ je l'a-dụ ike mekota iya.

Ọ kwa g'ọ dụ l'ọgbo nke Nowa lẹ ndụ-ichee bụ gẹ l'ọo-dụ nteke Abụbu-Ndiwhe l'a-bya. Lẹ nteke ndụ-ichee ono, nteke utso ono l'ẹteke abyaa bẹ ndiwhe shi eri angụ, alụ-whe nwanyị, ekewhe nwanyị ji jeye mbọku Nowa whẹ bahụru l'eze ụgbo ono, ndiwhe ta amarọo iwhe l'akọ akọ jeye nteke utso ono byabya agbakọta mgboko, tụko whẹ gẹ whẹ ha kpota. O nokwa gẹ l'ọo-dụ nteke Abụbu-Ndiwhe l'a-bya ndono.