Popular Bible Verses from Mátiyu 10

Share

“Unu lekwa! L'unu dụakwa g'ọo ụnwu-atụru, mu chịakwaru unu ye t'unu jeshia ẹka ágụ́ jiru eji. Ọo ya bụ, t'unu malẹkwaruwho mmamagụ gẹ agwọ l'amajẹ iya. Unu adụ odoo g'ọo ndo.

L'iwhe bụ onye l'achọ tẹ ndzụ iya bụru iya urwu erita lẹ mgboko bẹ l'e-tuwha ndzụ iya. Ọle onye kwoberu iswi ẹhu mụbe Abụbu-Ndiwhe tuwhaa ndzụ iya l'e-nwe ndzụ tututu-mịmimi.

Unu ba atsụkwa ndu bụ ogwẹhu mmaanụ bẹ whẹ l'a-dụ ike gbua egvu, mbụ ndu bụ, whẹ -gbugewaa ogwẹhu, whẹ eje adụhe ike gbua maa onye ọbu. Onye unu l'a-tsụje egvu bụ onye ono, bụ; o -gbugee egbu, ya enwekwaruwho ike l'oo-gude mee ogwẹhu onye ọbu yẹle maa ya, ya abụru iyi l'ọku-alị-maa.

Iwhe bụ onye l'ete evutaa oswebe ọnwu iya vuru etso mu te ekweshikwa ọbu onye nkemu.

“Ọo ya bụ l'iwhe bụ onye kfụru l'edzudzu-ọha kfua l'iya bụ nke mụbe Jisọsu bẹ mu l'e-kfukwawho lẹ mu bụ nke onye ono l'iwhu Nna mu ono, bu l'imigwe. Ọle onye kfụru l'edzudzu-ọha kfua lẹ ya ta amadụ onye mụbe Jisọsu bụ, onye ono bẹ mu l'e-kfukwawho lẹ mu ta amadụ onye ọ bụ l'iwhu Nna mu bu l'imigwe.

Unu emekwaawho ndu ẹhu l'eme tẹ whẹ mehu. Unu emee ndu nwụhuru anwụhu tẹ whẹ teta nọdu ndzụ. Unu emekwaawho ndu njọkirehu l'eme tẹ whẹ mehu t'a sọ-buhu whẹ nsọ, unu achịa ọgvu l'ẹhu ndu ọwhu ọgvu bu l'ẹhu. A nụru iya unu ẹwoma. O nokwawho g'unu l'a-nụ iya ndu ọdo ẹwoma.

Ọo ya bụ, t'unu ba atsụshi egvu, l'unu ka mkpa karụ igweligwe ọchi-l'igwe.

“Unu ba arịkwa l'iwhe mu byarụ bụ tẹ mu bya emee tẹ nchị dụ ndiwhe ndoo lẹ mgboko. Mu ta abyakwa ome tẹ nchị dụ ndoo. O gbechikwa bụru ọgu e gude ogu-ịgba alwụ bẹ mu byarụ eyeye.