Popular Bible Verses from Mátiyu 1

Share

Ọo nwata-nwoke bẹ l'ọo-nwụ. Iwhe l'ịi-gu iya bụ Jisọsu. O noo nkele ọo-dzọta ndu nkiya l'ẹka iwhe-dụ-ẹji whẹ metagbaberu.”

“Lekwa lẹ nwamgbọko yẹle nwoke l'ẹteke azẹbua l'a-tsụta ime nwụa nwata nwoke; iwhe l'aa-gụ iya bụ Imánuwẹlu.” Iwhe Imánuwẹlu fụtaru bụ lẹ Chileke nọdu swiru anyi.

L'ọorikwadua iwhe ono, ojozhi-imigwe shi l'ẹka Onye-Nwe-Ọha byakfuta iya lẹ nrọ bya asụ iya: “Jósẹfu; o-shi-l'eri Dévidi, ba atsụshi egvu ọlu Méri. Lẹ nwata ono ọdu ime iya ono kwa Ume-Dụ-Nsọ b'o shi l'ẹka iya.

Ọ waa g'e gude nwụa Jisọsu Kuráyisutu ndọwa: Lẹ g'ọ nwụru bẹ bụ lẹ Jósẹfu bẹ gbabẹru Méri, bụ ne Jisọsu iwhe nke alụlu. Jósẹfu teke edutaa ya, ọwhu l'a-bụkwanu lẹ yẹle iya zẹbuwaa. A bya l'amadeshia, Méri gbee dụwaanu ime. Ọ bụru Ume-Dụ-Nsọ bẹ ime ono shi l'ẹka. Ji iya ono, bu Jósẹfu bụkwanuru onye dụ chịriri. L'oomekwanu t'iya be eme Méri iwhe iwhere l'edzudzu-ọha. Ọ chọkashide ụzo, l'oo-shi jịka ọlu Méri tẹ ba ama.