Popular Bible Verses from Ozhi ndu ishi-ozhi 17

Share

Iwhe Chileke meturu iwhe lile ono bụ nggẹ ndiwhe chọo yẹbe Chileke, chọta iya mẹ whẹ rwadanyaa ẹka iya, o noo lẹ Chileke ta adụkwa onye ọ nọdu otẹnya lẹge anyi ha, mbụkwa m'ọo onye lanụ.

Ọo Chileke lanụ ono bẹ meru onye ivurụzo, ọ bya eshiwaro l'onye lanụ ono mee mba lile, dụkota lẹ mgboko-o kpaa-whuu. Ọo ya dụhawaro mbụ gbubua nteke ndu nọ lẹ mgboko-o l'a-nọ-be, gbubukwaawho ẹka oge-alị whẹ l'a-kpagee.

“Ọo ya bụ Chileke, meru mgboko, mee iwhe lile, dụ iya l'ime. Ọo ya bụ onye nwe igwe, nweru alị, tẹmenu to buje l'ụlo, madzụ gude ẹka iya tụa.

L'o dobeekwaru mbọku, l'oo-kpe ndiwhe kpaa-whuu ikpe, kfụru nhamụnha. Onye l'oo-gude kpee ikpe ono bụ nwoke ọbu, ọ họtaru l'onwiya. Iwhe o gude mee tẹ madzụ lile marụ l'iwhe ono l'e-mekota lẹge ya tụberu iya bụ l'o meru t'onye ono shi l'ọnwu teta nọdu ndzụ.”

“Ọo ya bụ l'eshi anyi tụkoru bụru ụnwu Chileke, t'anyi ba arịjekwa lẹ Chileke dụ g'ọo iwhe e gude ope kpụa, ọdua woo: ọ bụru iwhe a kpụru l'ụrwa, ọdumeka ọ bụru iwhe a pyịtaru l'oshi. Ọriri madzụ te erwukwa gẹ Chileke gbarụ, ọwhu l'abụ l'ọo t'e gude oome nka gude goshi g'ọ dụ.