Popular Bible Verses from Ɛkizɔdi 15

Share

mɛɛ pe pye fɔ: «Na ye kaa nuru jɛŋgɛ mi ŋa Yawe Yɛnŋɛlɛ, ye Yɛnŋɛlɛ na yeri, mbaa ŋga ki yɛn ma sin ki piin na yɛgɛ na, na yaga nuŋgbogolo jan mbaa na ŋgasegele ke nuru konaa mbaa tanri na kondɛgɛŋgɛlɛ ke na, pa mi se ka yama mba mìla wa Ezhipiti tara fɛnnɛ pe na pa wa ye na. Katugu muwi mi yɛn Yawe Yɛnŋɛlɛ na li maa ye sagala.»

Yawe Yɛnŋɛlɛ lo li yɛn na fanŋga ye, lo li yɛn na yurukɔgɔ ki go ye. Lo lìlan shɔ. Lo li yɛn na Yɛnŋɛlɛ le, mi yaa li sɔn. Lo li yɛn na tɛlɛye pe Yɛnŋɛlɛ le, mi yaa li gbɔgɔ.

Yawe Yɛnŋɛlɛ, yarisunndo ti ni fuun ti ni, kikiin ki yɛn ma taanla ma ni? Ambɔ wi yɛn paa mboro yɛn? Ma yɛn kpoyi ma yɔn fili. Ki daga paa fyɛ ma yɛgɛ konaa paa ma sɔnni, mboro ŋa ma maa kafɔnŋgɔlɔ piin we.

Ma ndanlawa pi kala na, a mà woro mbele ma woolo we go shɔ, ma yawa pi fanŋga na, a maa we yɛgɛ sinni na kee we ni wa tara kpoyi nda ma yaa kan we yeri ti ni.

A pè si saa gbɔn wa laga ŋga pàa pye na yinri Mara. Tɔnmɔ mba pàa saa yan wa, pe sila ya mbe pa wɔ, katugu pìla pye ma sori. A pè sigi laga ki mɛgɛ taga naga yinri Mara (ko kɔrɔ wo ŋa sorowo). Kona, a leele pe nɛɛ kɔngɔri Moyisi wi na, na yuun fɔ: «Yiŋgi we yaa wɔ?» A Moyisi wì si Yawe Yɛnŋɛlɛ li yɛnri ŋgbanga li pe saga. A lì si kanŋgekɔngɔ ka naga wi na, a wì sigi lɛ maga wa wa tɔnmɔ pi ni; a tɔnmɔ pì si kanŋga ma tanla. Yawe Yɛnŋɛlɛ làa kondɛgɛŋgɛlɛ naa kakɔnndɛgɛŋgɛlɛ kan Izirayɛli woolo pe yeri wa ki laga ki na. Làa pe wa ma wele wa fun