Popular Bible Verses from Roma 15

Share

Tik na Dagwi de e tɛ̀sɛ bemat be sɛt yey mɛn e ra yɛ a sila hin na yey pyɛng sizɔng, na a tɛ̀ yey min ye dyɛng arɔng, yaga yin a sey tsak o na yɛ. Tik na a ra ano, yaga na yin a gwɛ̌ sɛt yey min e ra yɛ yi na retô Gabik Jɛrɛ.

Kayɛ pyɛ de bà jɛk e Bwok-basa Dagwi, bà jɛk yɛ, yaga na be basa a wot mɛ̀. Ba to jɛk yɛ, yaga na neha Bwok-basa mo ne tɛ̀ wot a niri, na ne to gwɛ̌ a wot gap arɔng. Ko yi ano, wot ê sɛt yey mot e ra Dagwi.

Tik na Dagwi de e tɛ̀ bemat mɛ be niri, na a to gwɛ̌ a yɛn gap, a tɛ̀ in na yin a sè vining na bemín e de raà gwong de Kristi Yɛsu a dura a wot. Tik na a ra ano, yaga na yin mwa yin a bin nɔ̂ng Dagwi, yɛ Dâ Darwey mot Yɛsu Kristi, nerey na nu hining.

Ano kwong, séy in bemín, tyɛng sede remo de Kristi a sey in, yaga na bemat be bin nɔ̂ng Dagwi nerey.

Tik na kawɛ e ji mot a ra pyɛ de ya sé ryat yaga mumwɛ, na a pɛngɛ a yɛ yey. A ra ano, yaga na a sɛlɛ hɛ na a re nuyel e tɔ̂k pyɛ̂ Dagwi.