Popular Bible Verses from Yakɔp 4

Share

Yaga ano, dyɛ́ng in bato min na Dagwi. Rá in retek na gwɔ̀m cēng, ko a rɔda tele yi na yin.

Gwɛ̌ sek in bagat na Dagwi, ko yɛ a rɔda gwɛ̌ sek bagat na yin arɔng. À yin bemât banɛn, pat in vɔ min yi e pyɛ́ vyes! À yin bemât neyey neba, tɛ̀ in neyey min jɛrɛ arɔng!

Dyɛ́ng in bato min e nuyêl Darwey, ko a rɔda nɔng in nerey.

Ko sɛlɛ de Dagwi e nɔng ot e nɔrɔ he dal simo hane mo. Sede remo de bà to jɛk wɔgɔ, “Dagwi e kyɛ́ ɛ vemo de be tos bato mɛn, ko e nɔng vemo de be dyɛng bato mɛn sɛlɛ mɛ e nɔrɔ.”

Ano kwong, kawɛ mwat de a tɔk pyɛ de ya sé naka na a ra, ko a ra yɛ wɛt, yɛ a ga ra renɛn.

Ko jeng de yin e ra won na yɛ, yin e sɛ̀ pyɛ mo wɛt, yaga báre min ha sé ves. Yin e simo yin a wey na pyɛ mo yaga netâ babek min zɔng.

À yin de yin e kyɛ́ in nà raa Dagwi! Yin a tɔk, vô nesa na pyɛ̂ jey yemo ha sé repugu na Dagwi. Kawɛ mwat de e simo a vo nesa na jey yemo a sé tɛ̀ tó mɛ wo repugû Dagwi.

Hm! Yin a ka tɔk pyɛ de ya rɔda ba té nahwol wɛt. Neken min na sé sɛ́ arɛt? Na sé sede wút de be di wɛ nagasi, ko e bamâ jeng tyɔng wo to tala hɛ.