Popular Bible Verses from Tomong Betom Yɛsu 4

Share

E yɛ nju mɛ zɔng de e tɔk sey bemat. Dagwi a nɔ̂ng bemat reza mɛ, ko vit a reza rehak e ji jêy mwa de re tɔk sey neken mot.”

Jeng de yɛn a yɛnɛ râ won, kwɔn de yɛn a man ɛ̀ mo ha digta. Ko Gabik Jɛrɛ ha sɛ̀ reto e ra yɛn mwa, yɛn a hwo ha rehâ Dagwi na yey ting.

Ko di a remo, à Darwey, di yerê shísa de be shìsa hot mɛ̀! Nɔng ot, wot de wot a sé besam mō, reto na wot a tɔk ha há mō na yey ting sizɔng.

A sé e ra Yɛsu de bà jɛk e ji Bwok-basa Dagwi wɔgɔ, “ ‘Gwofwa de yin bemât lɔ̂k duk yin á kana kyɛ́ in gwɛ wɔgɔ, gwa vɔk fwom wɛt, e gwɛ de gwa tɛ́ ɛ gbɔng gwofwa râ fwom.’

Jeng de bemakûk badu mo ba di BeBitrus o ba ha na yey ting ano, yɛn a langat hɛn, yaga yɛn a to di, betom o ba vɔk tɔ́k wɛt, ko ba sé tyɛng na bwang bemat zɔng. Yɛn a tɔk, BeBitrus o bá kana sè bemat raà Yɛsu arɔng.

Mwa bemat-raa mo ba vɔk yey rining na báre hining. Vit a hwak e ji mɛn de a jut pyɛ́ de a vɔk, ya sé myɛ pyɛ mɛ, ko yɛn a gas kayɛ pyɛ de yɛn a vɔk na bemɛn.