Popular Bible Verses from ROMA 8

Share

Apa taissan kumua mintu’na apa situru’ umpasaeanni kameloan tu to ungkamali’ Puang Matua, iamotu to ditambai situru’ tanan penaanNa Puang Matua.

Belanna kukatappa’i, kumua la kamatean, ba’tu katuoan, la malaeka’ ba’tu to paa, la denna totemo ba’tu mane la saena, ba’tu misa’ kamawatangan, la malangka’ ba’tu mandalan, ba’tu misa’ senga’na tu panampaNa Puang Matua tae’ nabelai ussarakkiki’ dio mai pa’kaboro’Na Puang Matua bannang dio Kristus Yesu, Puangta.

Susi dukamoto tu Penaa ussande’ki’ lan kalanggaranta. Belanna iatu apa la tapalaku susi sipato’na, tae’ taissanni; sangadinna Ia kalena tu Penaa umpa’kadangki’ sisola sarro tang dilambi’ dipokada.

Totemo apara la takua diona tu mintu’nato? Iake sisolaki’ Puang Matua mindapa la umbaliki?

Iamoto totemo tae’mo ukunganna tu to lan Kristus Yesu.

Belanna iatu naparinaa pa’kalean iamotu kamatean, apa iatu naparinaa Penaa iamotu katuoan sia kamarampasan.

Apa lan mintu’nato sapatalo-talota tu belanna iatu To umpakaboro’ki’.

Belanna kukanappa’i, kumua iatu kamaparrisan lan te attu iate tang sitinaya ke dipasitintii tu kamala’biran la dipaombo’ lako kaleta.

Mindara tu ma’din la ussarakkiki’ dio mai pa’kaboro’Na Kristus? kamasussanraka ba’tu kamaparrisanraka, ba’tu kadipakario-rioanraka, ba’tu katangdiaranraka, ba’tu kama’kambelanganraka, ba’tu kasangganganraka, ba’tu la’bo’raka?

Anna Puang, tu ussudi penaanna tolino, Natandai tu apa Natungkanan Penaa, belanna iatu Penaa umpa’kadan mintu’ to masero situru’ pa’poraianNa Puang Matua.

Apa padami tau Narenden PenaanNa Puang Matua, padami anakNa Puang Matua.

Belanna iatu tau umpengkaolai pa’kalean umparinaa sibaanna pa’kalean, apa iatu tau umpengkaolai Penaa, umparinaa memPenaanna.

Ia duka Ia tang umbudanan AnakNa sangadinna Nasorong belanna kita sola nasang, ma’apai Nala tang umpa’kamaseanni tu mintu’na sisola tu AnakNa lako kaleta?

Belanna Ia kalena tu Penaa umpamanassai sola penaanta, kumua anakNaki’ Puang Matua. Iake anakki’, ma’mana’ dukaki’, iamotu mana’ dio mai Puang Matua sia pada ma’mana’ki’ Kristus, ke umperasaiki’ kamaparrisan sola, anta pada dipakala’bi’duka.

Apa iatu umparinaa pa’kalean iamo kasiualian Puang Matua, belanna tang umpengkaolai Sukaran alukNa Puang Matua, sia tang nabela duka.

Belanna mintu’na angge maritik mamali’ tongan umpeagi kapayananna anakNa Puang Matua.

Apa taissan kumua mintu’na angge maritik pada sumarro sia pada ussa’dingi susito mangurria’ sae lako te totemo.