Popular Bible Verses from PA’PUDIAN 91

Share

Ma’kadana’ lako PUANG kukua: Kamumo tu pentilindungangku sia tambakukungku, iamo Kapenombangku tu kuposande’.

Minda-minda umpoperinding pala’ To Patodoranna, tau iato mai Nakulambu taruno To umpoissan angge maritik.

Ianna meongli’ ussa’bu’na’, la Kubalii; sia la Kurondong lan mintu’ kamandasanna, la Kurampanan sia la Kupamala’bi’.

Belanna la Nakuan tu mai malaeka’Na diona iko anna rinding pala’ko dio lu lalanmu.

Iamo la unnonganniko pani’Na, sia diong kalepakNa munii mentilindung; kamarurusanNa tu mupobalulang sia mupokararran.

Belanna kamuri, o PUANG, perinding pala’ku, mutonno’mo tu patodoranna mupopentilindungan. Moi misa’ kamandasan tae’ la urrampoiko, sia moi misa’ parri tae’ la urrandan len tendamu.

Belanna ia la urrampanangko dio mai poyana to mamoya, sia dio mai ropu mesabu’i.

Sangsa’bu tau tibambang dio sa’demu, sia sanglampa dio kananmu; apa tae’ nala ullambi’ko.

Da’omo ammu kataku’ metakuranna kebongi, ba’tu tinaran sumayo ke kulla’i allo. Ba’tu ropu tu lu lako lu dio mai ke malillinni, ba’tu rammun pasanggangan ke ma’tangngai allo.