Popular Bible Verses from PA’PUDIAN 103

Share

Pudimi tu PUANG, e sumanga’ku, sia da naden misa’ mukalupai tu pa’kamaseNa.

Tu umpa’dei mintu’ salamu, sia umpamondo mintu’ sakimmu. Tu ullendokan sunga’mu diong mai lamunan, sia ummakotaiko kamasokanan sia kamamasean, Tu umpaguntu’i kameloan tu deatammu, muurunganni mellomo butung to langkan maega.

Pa’pudianna Daud. Pudimi tu PUANG, e sumanga’ku, sia sanga maseroNa, e mintu’na lan tondon to batangku

Susi misa’ ambe’ unnala mase anakna, susi dukamoto tu PUANG unnala mase mintu’ to ungkataku’I.

Pada sikambelanna matallo anna matampu’, pada duka mambelanna to Nanii Puang umpatoyangi dio mai kaleta tu salata.

Iatu PUANG sumpu mamase sia sa’pala buda, kalando pesuka’ sia kapua kamasokananNa.

Tae’ anNa gau’ki’ sitinaya tu mai kasalanta, sia tae’ anNa pakkanniki’ sitinaya tu mai gau’ kadaketa. Belanna susi sikalangka’na langi’ anna lino, susi dukamoto tu kapuana kamasokananNa lako mintu’ to ungkataku’I

Napatunannangmo PUANG tu isungan kapayunganNa lan suruga, sia iatu kadatuanNa umparenta mintu’ angge maritik.