Popular Bible Verses from OBAJA 1

Share

Apa dao buntu Sion la den katilendokan, sia iamo la dadi inan maindan; na iatu bati’na Yakub la umpoapa pole’i sule tu apanna.

Belanna mandappi’mo tu alloNa PUANG la urrampoi mintu’ bangsa; susitu penggaurammu, susi dukamo la dipogau’ lako kalemu, sia iatu penggaurammu la sule langngan ulummu.

Kamatampoammu umpakenamoko, e to untorroi lo’ko’ buntu batu, iamotu inan madaoammu, sia iatu ma’kada lan penaammu, kumua: Mindara umbelai la untua’na’ rokko padang?

Moi unggaragaiko serangmu pada langka’ serangna langkan maega, ondongpi napetangngai mintu’ bintoen, inde dukato dio mai la Kunii untua’ko, kadanNa PUANG.