Popular Bible Verses from MATIUS 19

Share

Mentiromi tu Yesu lako tinde tau Nama’kada, Nakua: Iake tolino tae’ nadadi te iannate, apa iake Puang Matua tae’ apa tang dadi.

Naurunganni tae’mo nada’dua sangadinna sangkalemora. Iamoto, dadi iatu mangkannamo Napasibali Puang Matua, da napasitantangi tolino.

Mebalimi Yesu, Nakua: Tang mibasaparaka kumua Ia tu Totumampa ungkombong tolino tonna mulanna umpadadii tu muane sia baine. Anna ma’kada kumua: Iamoto anna la untampe ambe’na sia indo’na tu tau anna la’ka’ lako bainena; anna mendadi sangbatang kale sola duai?

Apa Nakua Yesu: Popa’elo’nai tu pia’-pia’, da migagai sae lako Kaleku, belanna iamotu to susito tu unnampui Parenta Suruga.

Apa buda tu to dolo iamo la undinna, sia iatu undinna iamo la dolona.

Sia minda-minda tu untampemo banuanna, ba’tu siulu’na muane ba’tu siulu’na baine, ba’tu ambe’na ba’tu indo’na ba’tu anakna, batu pa’lakna tu belanna sangangKu, iamo la ungkabu’tui pessaratu’ manglokkon, sia umpomana’ katuoan tontong sae lakona.

Nakuami Yesu ungkuanni: Iake la moraiko tae’ sayuammu, malemoko, mubalukanni tu apa-apa dio kalemu, mupa’kamaseanni lako to kalala’, ammu ampui ianan dao suruga; ammu male mai undi urrundu’Na’.

Nakuami Yesu lako: Ma’apari na iara tu kameloan mupekutanan lako Kaleku? Misa’ri Ia tu melo. Apa iake la moraiko tama katuoan, turu’i tu Sukaran alukNa Puang Matua.

Sia Kukuapa lako kalemi: Malomo ia misa’ unta tama to’tok darun ke la to sugi’mora tama Parentana Puang Matua.

Apa Aku Kukua mati’: minda-minda untantang bainena sangadinna diona gau’ sala, anna umpobaine to senga’, iamo pasandak salu lako rampanan kapa’. Na minda-minda umpobainei tu baine natantang, ia dukamo pasandak salu lako rampanan kapa’.

Nakuami Yesu lako anak gurunNa: Tonganna tongan Kukua lako kalemi, malia’ tongan misa’ to sugi’ tama Parenta Suruga.