Popular Bible Verses from MATIUS 14

Share

Apa iatonna tiromi tu bara’, mataku’mi; sia iatonna la tallanmo, kumarrak-marrakmi, nakua: O Puang kanana’ina’! Tikarami tu Yesu ussorongan limanNa. Natoei sia Nakua ungkuanni: E to tangkan ma’patongan, ma’apai anna bata penaammu?

Apa iatonna tiromi tu bara’, mataku’mi; sia iatonna la tallanmo, kumarrak-marrakmi, nakua: O Puang kanana’ina’!

Apa ta’pa Napa’kadai Yesu, Nakua: Parapa’i tu penaammi, Akumote anna, da mimataku’.

Mebalimi Petrus nakua lako: O Puang, iake Kamu tonganmo, suana’ angku male mati’ untete uai tasik. Nakuami: Maimoko. Mengkalaomi tu Petrus dao mai lembang, nama’lingka untete uai la umpellambi’i Yesu.

Sangsaeammi tu mintu’ to lan lembang tukku umpennoloi Yesu sia nakua: Kamu tonganmo tu AnakNa Puang Matua.

Apa Nakua Yesu lako tinde tau; Dai’mito namaleo tu mati’ tau, kamumo umpakandei. Nakuami tu anak gurunNa lako: Tae’ bang apa inde, sa’bamora roti lima na bale da’dua.

Nakuami: Banna’ mai. Nasuami tu to buda unno’ko dio to’ riu; Naalami tu roti lima na bale da’dua, Namentingara langngan langi’ sia massambayang, Namane untepu-tepui tu roti, Nabenni anak gurunNa, na anak gurunNa umben pole’i to buda.

Kumandemi sola nasangi sadia’na. Naalaimi tau tu roti sesanna tu mangkanna ditepu-tepu sangpulo dua karandang ponno.