Popular Bible Verses from SURA’ KATOMINAAN 19

Share

Da mupalan penaai tu la umpabala’i kadake ba’tu untambukan essun sangbangsamu, sangadinna la mukamasei tu padammu ma’rupa tau susi batang kalemu: Akumo tu PUANG.

Da mitori-tori’i tu kalemi belanna kamatean sia da mitoboi passura’ tu kalemi: Akumo tu PUANG.

Ma’kadako lako mintu’ kasirampunan to Israel sia kuanni kumua: La maserokomi, belanna maseroNa’, te Aku PUANG, Kapenombammi.

Da mukabiri’ siulu’mu lan penaammu, sangadinna la mupakanaan ke unnada’ko sangtondokmu, kumua da’mo natete dio tau iato ammu passan kasalan.

Da mima’palulako bombo to mate, ba’tu lako to sola-sola bombo; da midaka’i tu tau iato mai la urruttakki kalemi: Akumo tu PUANG, Kapenombammi.

Da mumale ma’pakadake lele dio lu bangsamu; sia da mudaka’ lalan la umpatibollo rarana padammu ma’rupa tau. Akumo tu PUANG.