Popular Bible Verses from YOSUA 1

Share

Tang Kupepasananraka lako kalemu, kumua la batta’ko sia lalong? Da muma’parondo sia magiang, belanna PUANG, Kapenombammu, urrondongko umba-umba muola.

Da nalessu’ dio mai pudukmu tu sura’ Sukaran aluk iate, sangadinna la muparinaa bang ke allo sia ke bongi, ammu turu’ tongan-tonganni tu mintu’ apa disura’ lan, belanna iake susito, la umpamaupa’ko mintu’ lalanmu, sia la rongko’ko.

Samari la batta’ tonganko sia lalongko, ammu turu’ tongan-tonganni tu mintu’ sukaran aluk iate, tu napasan Musa, taungKu, lako kalemu; da musepang dio mai, lako kairi ba’tu kanan, ammu maupa’ umba-umba muola.

Moi misa’ tau tae’ la unnattai bendan dio olomu lan mintu’ allo katuoammu, susi dolona Kurondong tu Musa, susi dukato Aku la urrondongko; tae’ Kula ussa’biangangko sia tae’ angKu la untampe lenko.

La batta’ko sia lalongko, belanna iko la umposara’i te bangsa iate la umpomana’i tu tondok tu Kupalaoan sumpa lako nene’ to dolona la ungkamaseanni.

Iatu mintu’ pelleseammi, la Kukamaseangkomi, susitu kadangKu lako Musa.

Iatu Musa taungKu, matemo; totemo la ke’de’ko ammu lambanni te Yordan, la iko la mintu’ bangsa iate lako tu tondok la Kukamaseanni, iamotu to Israel.

Iatonna matemo tu Musa, taunNa PUANG, ma’kadami PUANG lako Yosua, anakna Nun, to marengke’na Musa, Nakua

Randuk dio mai padang pangallaran sia iato Libanon dio, sae lako salu kapua, iamotu salu Efrat, mintu’ lili’na padang to Het, sia sae lako tasik kapua, dio rampe matampu’, mintu’nato nalili’ tondokmi.

Minda-minda umbali parentami sia tae’ naperangii tu kadammi lan mintu’ apa mipesuan lako kalena, manassa la dipatei. Podo ammi batta’ sia lalong.

Malekomi lu lako lu dio mai lan lu to’ tenda, suai tu to buda, kumua: Parandankomi kinallo, belanna tae’mora natallung allo, ammi lambanni te Yordan, la umpomana’i tu tondok la Nakamaseangkomi PUANG, Kapenombammi, la misiosso’i.