Popular Bible Verses from TO PARENGNGE’ 6

Share

Attu iato ombo’mi tu Malaeka’Na PUANG anna ma’kada lako, nakua: Narondongmoko PUANG, e pa’barani lalong.

Attu iato messailemi tu PUANG Nama’kada lako, Nakua: Ke’de’moko situang te kamatotorammu, ammu rampananni tu to Israel lan mai limanna to Midian. Tangiaraka Aku te ussuako?

Ma’kadami PUANG lako Nakua: Manassa Aku urrondongko, iamoto la mutalo tu mintu’ to Midian susito misa’ri.

Apa ma’kada tu Gideon lako nakua: O puangku, iake Narondongkan PUANG, ma’apai anna rampoimokan te mintu’na te? Umbamira tu tanda mangnga tu nauleleangkan nene’ to doloki, tu nakua: Tang PUANG raka ussolangkan lan mai Mesir? Apa totemo Nasualemokan PUANG sia Nasorongmokan tama limanna to Midian.

Ma’kadami tu Gideon lako, nakua: O Puang, apara la kupake la urrampananni tu to Israel? Manassa iatu pa’rapuangku iamo bitti’na lan suku Manasye na iatu aku te anak tampak dio to padadiangku.

Undinnato saemi Malaeka’Na PUANG, anna unno’ko’ diong garonto’ tarpin dio Ofra, apanna Yoas, to Abiezer; na iatu Gideon, anakna muane, marassan ussambak-sambakki gandung lan to’ pa’parran anggoro’, la umpembunian to Midian.

Inde to dio nanii Gideon umpabendananni PUANG tu misa’ inan pemalaran, anna sangai: PUANGmo tu oto’na kasalamaran. Bendanpa tu inan pemalaran iato sae lako allo iate dio Ofra, tondokna to Abiezer.

Ma’kadami lako, nakua: Iake naala siana’ penaamMi, patiroammo’ misa’ tanda, kumua Puangmo tu ussipa’kadanna’.

Apa ma’kada tu PUANG lako, Nakua: Makarimmanko, da mumataku’ tae’ mula mate.

Apa napogau’mo to Israel tu apa kadake dio pentiroNa PUANG; iamoto Nasorongi PUANG tama limanna to Midian pitung taun.