Popular Bible Verses from KADADIAN 27

Share

Na Puang Matuamora la umpasaeangko ambun dao mai langi’ sia lompona padang sia gandung manglokkon sia uai anggoro’! Anna ba’tu pira-pira bangsa la mengkaunan lako kalemu sia ba’tu pira-pira to sangpetayanan la tunduk dio olomu; sia la dadiko puangna mintu’ siulu’mu. Anna la tunduk tu mintu’ to nadadian indo’mu dio olomu. La narua tampak ropu tu to untampakkiko ropu. Na minda-minda umpassakkeko la rongko’!

Mebalimi: Tang sipato’raka nasanga tau Yakub? Belanna totemo penduanmo’ napakena: naalaimo’ tu katonganangku anak pa’bunga’, na totemo naalaiomo’ tu rongko’ku! Ma’kadami tu Esau: Tae’moraka pa’passakke minannanna’

Nabalimi Ishak, ambe’na nakua: Manassa iatu padang mupa’tondokki la sikambela padang malompo, tae’ na la unto’doi ambun dao mai langi’; sangadinna pa’dangmuri la munii tuo sia la mengkaunanko lako adimmu. Sia la dadi undinna, ke umberong-berongko, la mulendokan tu ayokana dao mai sokkongmu!

Nakuami tu Esau lako ambe’na: Ia mannaraka te misa’ tu pa’passakke miampui, o ambe’? Passakkena’, passakke dukana’! Unnurruk-urrukmi tu Esau tumangi’.