Popular Bible Verses from EZRA 4

Share

Napalangga’mi pa’tondokan iato tu bangsa Yehuda, sia napakataku’ tau iato mai la umbangunni tu banua.

Sia napappe’ tu ba’tu pira-pira pa’bisara umbalii tu tau iato mai, kumua anna dampai tu tanan penaanna tempon tuona Koresh, datu Persia, sae lako tonna ma’parenta Darius, datu Persia.

Apa mebali tu Zerubabel, Yesua sia mintu’ pangulu rapu senga’na to Israel lako tau iato mai, nakua: Tae’ misipatu kumua la sisolaki’ umpabendananni misa’ banua tu Kapenombangki, belanna kami kalena la umpabendananni PUANG, Kapenombanna to Israel, susitu napasan datu Koresh, iamotu datu Persia, lako kaleki.