Popular Bible Verses from YEHEZKIEL 12

Share

Iamoto ma’kadako lako tau iato mai, kumua: Inde sia tu kadanNa Puangta PUANG: Iatu mintu’na kadangKu, moi sangbuku tae’ nala dipadampa, sangadinna iatu kada la Kupokada la dipalanda’, kadanNa Puangta PUANG.

Akumo, PUANG, la umpokadai tu kada la Kupokada, sia la dipalanda’; tae’ anna la dipadampa. Belanna lan allomi, e bati’ pabali-bali, la Kupokada tu misa’ kada sia la Kupogau’ duka, kadanNa Puangta PUANG.

E ma’rupa tau, torroko dio lu misa’ bati’ pabali-bali, iamotu bati’ kemata la patiro, apa tae’ napatiro, ketalinga la parangi, apa tae’ naparangi, belanna tau iato mai misa’ bati’ pabali-bali.