Popular Bible Verses from 2 KORINTUS 4

Share

belanna tae’ tamentiro lako apa natiro mata, sangadinna mentiro lakoki’ tang natirona mata, belanna iatu natirona mata sattu’ri, apa iatu tang natirona mata tontong sae lakona.

Iamoto anna tae’ nasoso’ tu penaanta, belanna moi disanggang tu a’gan kale tang marendengta, apa iatu a’gan ba’tengta diba’rui keallo-keallo. Belanna iatu kamaparrisanta tu maringngan bangsia sia tae’ nasangapa, umpabu’tuangki’ misa’ ma’kalolokanna kamala’biran matontongan

Disilatukki tikukanni sae, apa tae’ angki disirimpi’i, dipaselangkan, apa tae’ anna ka’tu rannungki; dipakario-riokan apa tae’ angki disa’biangan; dipemparrakangkan apa tae’ angki sanggang.

Apa iate apa mala’bi’ iato den dio kaleki lan misa’ pa’pannian litak, anna manassa tu kalosongan kuasanna kumua lu dio mai Puang Matua, tangngia lu dio mai kaleki.

tu mangka napabuta datunna lino tu mata penaanna to tang ma’patongan, kumua da anna kita arrang kamala’biranNa Kristus iamotu rupanNa Puang Matua.

Belanna Puang Matua mangka ma’kada kumua: La parrang, tu arrang lan mai malillinna, Ia dukamo parrang lan penaangki umpaarrangikan kapaissanan kamala’biranNa Puang Matua lan rupanNa Kristus.