Popular Bible Verses from 1 PETRUS 1

Share

Mintu’na kadipudian lu langngan nasang Puang Matua Ambe’Na Puangta Yesu Kristus, tu tete dio kakapuanna mamaseNa anna dadian poleki’, taurunganni unnappa’ kapa’rannuanan tuo belanna kamalimbangunanNa Yesu Kristus dio mai to’ to mate, la ungkabu’tui mana’ tang la sanggang sia tang attangan sia tang la malayu, tu diannangkomi lan suruga

Lan ianna te minii parannu, moi anna attu sangattu’ bangri, iake inang pato’i, la naparosso inaakomi ma’rupa-rupa peroso, kumua anna kalantukan kapatonganammi tu disudi – tu mandu keangga’ na iatu bulaan la sanggang moi anna disudi api – la payan kumua umpabu’tu kapudian sia kamala’biran anna kadipangkeran, ke attunnamo sombo tu Yesu Kristus

sangadinna susi Puang masero tu mangka untambaikomi, la susi dukakomi masero lan mintu’ gau’mi; belanna mangkamo disura’ kumua: La maserokomi, belanna maseroNa’.

Susikomi pia’-pia’ mengkaola sia da ammi parundu’i tu sangka’ menturu’ lako kamailuan dolo, susi tommi lanpa kabagammi

Iamoto pamataranni tu tangnga’mi sia maingarangkomi sia rannuan tongan-tonganni tu pa’kamasean la diparampo lako kalemi, ke attunnami sombo tu Yesu Kristus.

Belanna: Mintu’ to lino butung riu, sia mintu’ kamala’biranna butung ta’bi riu; anna malayu tu riu sia rondon tu ta’binna; apa iatu kadanNa Puang Matua tontong sae lakona. Iamora te tu kada di pa’peissanan lako kalemi.