Popular Bible Verses from 1 KORINTUS 9

Share

Iatu to la tama pa’telanganna, mintu’na nanii pantan ungkaraa kalena kumua da nalangga’; tau iato la unnappa’ misa’ makota, apa makota la malayu, na kita te la unnappa’ki’ makota tang la malayu. Iamoto angku ma’dondo-dondo te, tae’ kumua ma’dondo-dondo tang ma’rundunanna’. Susi dukato tu pebusukku, tae’ kumua kutambusukanni angin

sangadinna umpakario-riona’ kaleku sia kupopengkanorong kumua aku manii mangka unnada’i to senga’ na aku kalenamo ditibe.

Tae’raka miissan kumua mintu’na tu to ma’dondo-dondo lan kasilomban, pada ma’dondo nasang, apa misa’ bangsiari tu unnappa’ tanda kabilangan? Ma’dondo-dondomokomi susito, ammi appa’ tanda kabilangan.

Lako to langga’ mendadi dukana’ to langga’, kumua angku popenturu’i tu to langga’. Anggennamo kunii unna’ga kaleku lako mintu’ tau, kumua sangapa sia manii kupamakarimmanni ba’tu pira-pira tu tau.